SA HAGDANAN KONG AKLAT
sa aking pagbabasa
ako'y nakapupunta
sa bansang iba't iba
kahalubilo'y masa
taos pasasalamat
sa hagdanan kong aklat
pagkat nadadalumat
mga paksang nagkalat
tara, kaibigan ko
galugarin ang mundo
tara, maglakbay tayo
at magbasa ng libro
salamat sa hagdanan
kong aklat, sambayanan
ay ating bahaginan
ng tamong karunungan
- gregoriovbituinjr.
02.06.2025
* litrato mula sa google
Walang komento:
Mag-post ng isang Komento