PAGBABASA NG KWENTONG OFW
sabik din akong magbasa ng mga kwento
hinggil sa tunay na buhay, dukha, obrero
lalo na't aklat hinggil sa OFW
na minsan na ring sa Japan naranasan ko
nag-anim na buwan ako sa Hanamaki
na isang lungsod sa probinsya ng Iwate
alaala yaong sa buhay ko'y sakbibi
bago pa sa lansangan ay makapagrali
bagamat nakarating din ng ibang bayan
sa Thailand, Burma, at bumalik muling Thailand
bagamat sa Guangzhou, Tsina ay nilapagan
sa Pransya'y higit sambuwang Climate Walk naman
nais kong OFW'y kapanayamin
obrero sa piketlayn ay makausap din
upang maging bahagi ng aking sulatin
at maging paksa sa nobelang susulatin
- gregoriovbituinjr.
01.15.2025
Walang komento:
Mag-post ng isang Komento