ANG PATALASTAS
On Sale: My Wife is Missing, mura lang
patalastas sa isang bilihan
ng aklat, wala pang isang daang
piso, kwarenta'y nuwebe lamang
dalawang daang piso'y natipid
nang makita'y tila ba naumid
My Wife is Missing ba'y nababatid
aba, luha'y tiyak mangingilid
buti't si misis ay katabi ko
magkasama kaming naririto
nawawalang misis ba'y kanino
aba'y makadurog-puso ito
baka aklat ay isang nobela
na di ko na rin inusyoso pa
kinunan lang sa selpon kamera
ang patalastas na kakaiba
- gregoriovbituinjr.
04.10.2024
* litratong kuha ng makatang gala sa National Book Store, Farmers, Cubao, QC
Walang komento:
Mag-post ng isang Komento