bakit daw siya'y mautak, sabi niyang may yabang
habang salaysay ng isa'y buhay ng isang mangmang;
librong magkasalungat ng dalawang di man hibang
subalit may saysay hinggil sa dinaanang larang
magkasabay ko lang nabili ang dalawang aklat
nang di namalayang pamagat ay magkasalungat
napagtanto lang nang sa bahay na'y naalimpungat
sa pagkaidlip at mapagmasdan ko ang pamagat
ang "Why I Am so Clever" ay akda ni Friedrich Nietzsche,
Aleman, tila libro'y palalo, makasarili;
ang "The Life of a Stupid Man" ay kay Ryūnosuke
Akutagawa, Hapon, akdang sa dusa sakbibi
naglathala'y Penguin Classics, dagdag ko sa koleksyon
na pagkabasa, plano'y isalin ang mga iyon;
pag kahulugan ng mga akda'y aking nalulon,
baka may mahalukay na aral na mapanghamon
- gregoriovbituinjr.
03.30.2022
Walang komento:
Mag-post ng isang Komento